2013 жылғы 15-18 наурыз аралығында Қостанай қаласында тоғызқұмалақтан «Суперлига» (1-кезең) республикалық жарысы өтеді. Жарысқа еліміздің үздік спортшылары қатысады:
1) Темірбаев Ғалымжан – Халықаралық дәрежедегі спорт шебері, 2010 жылғы Әлем Чемпионы (классика, блиц), 2009 жылғы І Ашық Азия Чемпионатының қола жүлдегері (классика), Қазақстан Республикасының 3 дүркін Чемпионы, Ля Тур де Пэ (Швейцария) қаласында өткен халықаралық жарыстың жеңімпазы, Ташкент (Өзбекстан) қаласында өткен халықаралық жарыстың жеңімпазы;
2) Кабиев Нұрбек – Спорт шебері, 2010 жылғы Әлем Чемпионатының қола жүлдегері (блиц), 2011 жылғы Қазақстан Республикасының Чемпионы, 2012 жылғы «Үздік – 20» республикалық жарыстың жеңімпазы;
3) Сейітжан Айдос – Халықаралық дәрежедегі спорт шебері, 2010 жылғы Әлем Чемпионатының күміс жүлдегері (классика), 2012 жылғы Әлем Чемпионы (классика), 2009 жылғы І Ашық Азия Чемпионы (классика), Қазақстан Республикасының 3 дүркін Чемпионы, 2006 жылғы Лондон (Ұлыбритания) қаласында өткен зияткерлік олимпиаданың жеңімпазы;
4) Каймульдин Жанат – Спорт шебері, 2013 жылғы Қазақстан Республикасының Чемпионы, 2009 жылғы Прага (Чехия) қаласында өткен халықаралық жарыстың жеңімпазы;
5) Ақтаев Серік – Халықаралық дәрежедегі спорт шебері, 2012 жылғы Әлем Чемпионы (рапид), 2009 жылғы І Ашық Азия Чемпионатының күміс жүлдегері (классика), 2004 жылғы Қазақстан Республикасының Чемпионы, 2008 жылғы Прага (Чехия) қаласында өткен халықаралық жарыстың жеңімпазы, 2009 жылғы Пардубице (Чехия) қаласында өткен халықаралық жарыстың, 2010 және 2012 жж. Канн (Франция) қаласында өткен халықаралық жарыстың жеңімпазы;
6) Елеусінов Хакімжан – Халықаралық дәрежедегі спорт шебері, 2012 жылғы Әлем Чемпионы (классика), Қазақстан Республикасының 3 дүркін Чемпионы.
