ерлер:

1)                Жаңа рейтинг әр рейтингілік жарыс аяқталған соң есептеледі.

2)                Жарыста І орын алған ойыншының рейтинг көрсеткіші азаймайды.

3)           Ойыншы спорт шебері атағын алу үшін 2500 (ер), 2400 (қыз) рейтинг көрсеткішінен асып, 30 партия бойы ұстап тұруы қажет.

Рейтингілік жарыстар:

1)    ҚР Жекелей Чемпионаты, ҚР Командалық Чемпионаты, ҚР Кубогы, ҚР ардагерлер чемпионаты,  ҚР Жастар чемпионаты;

2)    ҚР Президент жүлдесі, Федерация Кубогы, Н.Ергешбаевты еске алу турнирі,"Ақ жол" газетінің турнирі, Б.Кенжетаевты еске алу турнирі, Шығанақ Берсиев турнирі, Үздік 20.

 

Есептеу формуласы:

1)                Швейцариялық жүйеде:

R=10*(P-E); Р – жинаған ұпай саны, Е – жинауы қажет ұпай саны.

E = M*Pe; М – қарсыластар саны, Pe – кесте бойынша пайыздық көрсеткіш (ойыншының рейтингісі мен қарсыластарының орта рейтингісінің айырмасы арқылы анықталады).

2)                Айналмалы жүйеде:

R=10*(P-E); Р – жинаған ұпай саны, Е – жинауы қажет ұпай саны.

E=H*Pe-0,5; Н – барлық ойыншылар саны, Pe – кесте бойынша пайыздық көрсеткіш.

Рейтинг көрсеткіштері айырмасын пайыздық көрсеткішке

айналдыру кестесі

 

Мысалы: Ойыншының рейтингісін 2359 деп алайық.

Ойыншы швейцариялық жүйемен өткізілген жарыста 9 турдан 6,5 ұпай жинады. Оның 9 қарсыласының орта рейтингісін есептеп, 2334 болды делік. Рейтинг айырмасы +25, кестеге қарап +% бағанынан ойыншы 53% жинау керек екенін көреміз. Сонда ойыншының жинауы қажет ұпай саны:

E = M*Pe, E = 9 * 53% = 4,77

Ал, енді жинаған ұпайынан (6,5) жинауы қажет ұпайын (4,77) алу арқылы нәтиже шығарамыз:

R=10*(P-E), R=10*(6,5 - 4,77) = +17,3

Ойыншының жаңа рейтингісі: 2359 + 17 = 2376.